ភ្នំពេញ៖ សពបុរសម្នាក់ត្រូវបានប្រជាពលរដ្ឋប្រទះឃេីញដេកស្លាប់ក្នុងថ្លុកឈាមដោយមានស្នាមកាប់ជាច្រេីនកាំបិត បង្កការភ្ញាក់ផ្អេីលកាលពីវេលាម៉ោង៨ ព្រឹក ថ្ងៃទី២២ ខែធ្នូ ឆ្នាំ២០២៥ នៅក្នុងព្រៃជាប់បឹងមួយកន្លែង ភូមិអង្គកែវ សង្កាត់ចោមចៅទី៣ ខណ្ឌពោធិ៍សែនជ័យ។
ជនរងគ្រោះភេទប្រុស មិនទាន់ស្គាល់អត្តសញ្ញាណនៅឡេីយទេ។
តាមប្រភពព័ត៌មានបានឲ្យដឹងថា មុនពេលកេីតហេតុមានបុរសម្នាក់បានដេីរចូលទៅបំណងទៅដាំឈូលនៅក្នុងបឹនោះ ខណៈទៅដល់ចំណុចកេីតហេតុក៏ឃេីញមានបុរសម្នាក់ដេកស្លាប់ដោយមានឈាមនិងស្នាមកាំបិតទៀតផង ភ្លាមនោះក៏រាយការណ៍ទៅសមត្ថកិច្ចចុះមកហុំព័ទ្ធទីតាំងខាងលេីភ្លាមៗ។
សមត្ថកិច្ចបញ្ជាក់ថា ជនរងគ្រោះត្រូវបានជនសង្ស័យកាប់ត្រូវចំនួន៣កាំបិត កពីរកាំបិត ជេីងខាងឆ្វេងមួយកាំបិត ចំណែកជនសង្ស័យ សមត្ថកិច្ចកំពុងស្រាវជ្រាវតាមចាប់យកមកដាក់ទោសតាមច្បាប់៕ដោយ៖សុខាសែនជ័យ
