សហភាពអឺរ៉ុបស្វាគមន៍កិច្ចព្រមព្រៀងឈប់បាញ់រវាងកម្ពុជា–ថៃ

 សហភាពអឺរ៉ុបបានស្វាគមន៍កិច្ចព្រមព្រៀងឈប់បាញ់ដែលបានចុះហត្ថលេខារវាងកម្ពុជា និងថៃ ដោយអំពាវនាវឱ្យភាគីទាំងពីរអនុវត្តកិច្ចព្រមព្រៀងនេះដោយសុឆន្ទៈ។

ក្នុងសេចក្តីថ្លែងការណ៍ លោក Anouar El Anouni អ្នកនាំពាក្យផ្នែកគោលនយោបាយការបរទេស និងសន្តិសុខរបស់សហភាពអឺរ៉ុប បានថ្លែងអំណរគុណដល់អាស៊ានចំពោះតួនាទីវិជ្ជមានក្នុងការជួយសម្រេចបានលទ្ធផលនេះ ហើយបញ្ជាក់ថា សហភាពអឺរ៉ុបត្រៀមខ្លួនជាស្រេចក្នុងការផ្តល់ការគាំទ្រតាមតម្រូវការចាំបាច់។

លោកបានថ្លែងថា: "សហភាពអឺរ៉ុបសូមស្វាគមន៍ចំពោះកិច្ចព្រមព្រៀងឈប់បាញ់ដែលបានចុះហត្ថលេខានៅថ្ងៃនេះរវាងប្រទេសកម្ពុជា និងប្រទេសថៃ ហើយសូមអំពាវនាវឱ្យភាគីទាំងសងខាងអនុវត្តកិច្ចព្រមព្រៀងនេះដោយសុឆន្ទៈ"៕