រូបប្រាសាទព្រះវិហារត្រូវបានបោះពុម្ពនៅលើក្រដាសប្រាក់ ២០០០រៀល ដោយបង្ហាញពីរូបប៉មដ៏ស្រស់ស្អាត ប៉ុន្តែ ក្រោយពេលសង្គ្រាមពីរលើក ទាំងខែកក្កដា និង ខែធ្នូកន្លងទៅ កន្លែងនេះត្រូវបានបំផ្លាញយ៉ាងធ្ងន់ធ្ងរ ជាពិសេសនៅក្នុងខែធ្នូ។
ការខូចខាតយ៉ាងដំណំនេះក៏បានធ្វើឲ្យលោកស្រី ជា សិរី ទេសភិបាលធនាគារជាតិនៃកម្ពុជា មិនអាចទប់អារម្មណ៍សោកស្ដាយបាន ដោយលោកស្រី បានបង្ហោះរូបនៅលើបណ្ដាញសង្គម នៅថ្ងៃទី១ ខែមករា ថា លោកស្រី «ទប់ទឹកភ្នែកមិនបានទេ នៅពេលឃើញស្ថានភាពបែបនេះ»។ លោកស្រីថ្លែងថា លោកស្រីទើបតែទៅលែងប្រាសាទនេះ នៅថ្ងៃទី១៣ ខែមិនា ឆ្នាំ២០២៥ ប៉ុន្មានថ្ងៃមុនសង្គ្រាមផ្ទុះឡើង។
លោកស្រីសរសេរថា៖ «មានរូប១នោះ ខ្ញុំកាន់លុយខ្មែរក្រដាស ២ពាន់រៀល ដែលមានរូបប្រាង្គប្រសាទនៅលើនោះ ឥឡូវអស់ហើយ។ សល់តែរូបថត ការចងចាំ និងឈឺចាប់»។
បន្ថែមពីលើការសោកស្ដាយនេះ លោកស្រីក៏បានលើកទឹកចិត្តឲ្យពលរដ្ឋចាយប្រាក់រៀលដែលមានអត្តសញ្ញាណជាតិរបស់ខ្មែរ ដែជាមោទនភាពជាតិ និងដើម្បីផ្សព្វផ្សាយពីវប្បធម៌។
លោកស្រីថា៖ «នេះជាវិធីមួយដើម្បីចូលរួមផ្សព្វផ្សាយឲ្យបានទំលំទូលាយបន្ថែមទៀតពីអត្តសញ្ញាណជាតិរបស់យើង ដល់ប្រជាជនយើងនិងយុវជនជំនាន់ក្រោយដែលមិនទាន់បានឃើញ និងជាពិសេស ដល់ភ្ញៀវបរទេសឲ្យយល់ពីកេរដំណែលដ៏រុងរឿងរបស់យើង»៕
