ជាមួយគ្នានេះ រាជធានី ខេត្តចំនួន ៥ ទទួលបានទេសចរច្រើនជាងគេ នៅក្នុងអំឡុងបុណ្យចូលឆ្នាំថ្មី ប្រពៃណីជាតិខ្មែរនេះ ដោយក្នុងនោះ រាជធានីភ្នំពេញ បានឈរនៅក្នុងចំណាត់ថ្នាក់លេង១ ដោយមានភ្ញៀវទេសចរសរុប ៤ ៤០២ ០៩២ នាក់ ក្នុងនោះមានទេសចរជាតិស្នាក់នៅប្រមាណ ២៣ ៥៥១នាក់, ប្រជាពលរដ្ឋដើរលេងកម្សាន្តវិលល្ងាចប្រមាណ ៤ ៣៤៣ ៥២៧នាក់ និងទេសចរបរទេសចំនួន ៣៥ ០១៤នាក់។
ចំណែកខេត្តកំពង់ចាម បានឈរនៅចំណាត់ថ្នាក់លេខ២ ដោយមានភ្ញៀវទេសចរសរុប ៤ ១៧៨ ៦២៣ នាក់ ក្នុងនោះមានទេសចរជាតិស្នាក់នៅប្រមាណ ២ ០០១ , ប្រជាពលរដ្ឋដើរលេងកម្សាន្តវិលល្ងាចប្រមាណ ៤ ១៧៦ ២៦១នាក់ និងទេសចរបរទេសចំនួន ៣៦១នាក់។ រីឯខេត្តព្រៃវែង ឈរនៅលេខ៣ ដោយមានភ្ញៀវទេសចរសរុប ២ ៣២៣ ០៩៦ នាក់ ក្នុងនោះមានប្រជាពលរដ្ឋដើរលេងកម្សាន្តវិលល្ងាចចំនួន ២ ៣២២ ៩៧១ នាក់ និងទេសចរបរទេសចំនួន ១២៥នាក់។
ចំពោះខេត្តសៀមរាបវិញ បានឈរនៅចំណាត់ថ្នាក់លេខ៤ ដោយមានភ្ញៀវទេសចរទៅលេងកម្សាន្តសរុប ១ ៧៩២ ៤៣៨ នាក់ ក្នុងនោះមានទេសចរជាតិស្នាក់នៅ ៧៥៩ ០០០ នាក់, ប្រជាពលរដ្ឋដើរលេងកម្សាន្តវិលល្ងាច ១ ០២៨ ០០០នាក់ និងទេសចរបរទេស ៥ ៤៣៨ នាក់ ហើយខេត្តកំពង់ស្ពឺ ឈរនៅលេខ៥ មានភ្ញៀវទេសចរសរុប ១ ៧១២ ០០០ នាក់ ក្នុងនោះមានទេសចរជាតិស្នាក់នៅ ៥ ៩៦០ នាក់, ប្រជាពលរដ្ឋដើរលេងកម្សាន្តវិលល្ងាចប្រមាណ ១ ៧០៣ ១១០ នាក់ និងទេសចរបរទេសចំនួន ២ ៩៣០នាក់៕
