ត្រឹម​រយៈពេល​៣១​ថ្ងៃ មាន​មនុស្ស​ស្លាប់​ជិត​១៥០នាក់ និង​របួសជាង​៣០០នាក់ ដោយសារ​គ្រោះ​ថ្នាក់​ចរាចរណ៍
អាសយដ្ឋានទីស្នាក់ការអង្គភាព សារព័ត៌មាន កម្ពុជាថ្ងៃថ្មី (www.sapormeanktnseven.com.kh) ស្ថិតនៅក្នុងភូមិគោរដ្ឋាន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ / Phone 078 5555 12 / 015 22 3333 ។​ សូមអរគុណ...!

ត្រឹម​រយៈពេល​៣១​ថ្ងៃ មាន​មនុស្ស​ស្លាប់​ជិត​១៥០នាក់ និង​របួសជាង​៣០០នាក់ ដោយសារ​គ្រោះ​ថ្នាក់​ចរាចរណ៍

 ត្រឹម​រយៈពេល​៣១​ថ្ងៃ គឺគិតចាប់ពីថ្ងៃទី១ រហូតដល់ថ្ងៃទី៣១ ខែតុលា ឆ្នាំ២០២៦ មានហេតុការណ៍គ្រោះថ្នាក់ចរាចរណ៍ផ្លូវគោកនៅទូទាំងប្រទេស បាន​កើតឡើងចំនួន ២១៩ករណី ហើយ​ករណីនោះ បានបណ្តាលឱ្យបាត់បង់ជីវិតមនុស្សរហូតដល់១៤៧នាក់ និងបង្កឱ្យមានអ្នករងរបួសធ្ងន់ និងស្រាល៣៨៣នាក់។ មូលហេតុនៃគ្រោះថ្នាក់នេះ​ភាគច្រើន ដោយសារ​បើកបរលើសល្បឿនកំណត់ និងមិនគោរពសិទ្ធិអាទិភាព។ 

បើតាមរបាយការណ៍អគ្គស្នងការដ្ឋាននគរបាលជាតិ ផ្ដល់មកកាន់អ្នកនាំពាក្យក្រសួងមហាផ្ទៃ បាន​ឱ្យ​ដឹង​ថា ករណីគ្រោះថ្នាក់ចរាចរណ៍ ក្នុងខែតុលាកន្លងមកនេះ បើធៀបរយៈពេលដូចគ្នាកាលពីខែកញ្ញា ឆ្នាំ២០២៦ដដែល បានកើនឡើង៧ករណី ចំនួនអ្នកស្លាប់កើនឡើង៣១នាក់ និងអ្នករបួសកើនឡើងរហូតទៅដល់ ១០៧នាក់។ 

តាម​របាយការណ៍​ដដែលនេះ បាន​ឱ្យ​ដឹង​ថា គ្រោះថ្នាក់ចរាចរណ៍ក្នុងខែតុលា ដែល​បណ្តាលឱ្យបាត់បង់ជីវិតមនុស្ស​១៤៧នាក់ និងអ្នករងរបួសធ្ងន់ និងស្រាលចំនួន​៣៨៣នាក់​នេះ ភាគច្រើនកើតឡើងនៅពេលយប់ ពោលគឺមានរហូតដល់១៣៨ករណីទៅហើយ។ ដោយឡែក មូលហេតុនៃគ្រោះថ្នាក់ ភាគច្រើន គឺ «ការបើកបរលើសល្បឿនកំណត់ មាន៩១ករណី និងមិនគោរពសិទ្ធិអាទិភាព ៥៣ករណី»។ 

គួរបញ្ជាក់ថា សមត្ថកិច្ចបានចាប់ផ្ដើម អនុវត្តវិធានការរឹតបន្ដឹងច្បាប់ស្តីពីចរាចរណ៍ផ្លូវគោកឡើងវិញ ចាប់ពីថ្ងៃទី១ ខែកញ្ញា ឆ្នាំ២០២៦ ដោយផ្តោតអនុវត្តតែនៅក្នុង​ភូមិសាស្ត្រ ដែលមានអត្រាគ្រោះថ្នាក់ខ្ពស់ រួមមាន​រាជធានីភ្នំពេញ ខេត្តព្រះសីហនុ ខេត្ត​កណ្តាល ខេត្ត​កំពង់ស្ពឺ និងខេត្តស្វាយរៀង ដើម្បីទប់ស្កាត់ និងកាត់បន្ថយអត្រាគ្រោះថ្នាក់ឱ្យបានជាអតិបរមា៕


Post a Comment (0)
Previous Post Next Post